Room in a shared flat

Mir Lavinia (24), Ria (19) und Lia (20) sueche ä Mitbewohner:in für üsi 4er WG im Breiterain Quartier zwüsche 18i u 30gi. D Wohnig isch sehr zentrau, mit ÖV nume 10min bis zum Bern Bahnhof und Ihchoufsmöglächkeite (Migros) si ds Fuess ih 5min erreichbar. Es isch ä früsch sanierti Autbouwohnig mitere nöie moderne Chuchi und Bad / WC. Mir hei ä eigete Wöschturm mit Waschmaschine und Tumbler, drzue ä chline Baukon wo du vo dim Zimmer ä direkte zuegang hättsch. Bi üs isch dr Fuessbau ä grosse Teil vo üsem Autag, mir spiele aui bim Fc Ostermundige und hei 3mau pro Wuche Training und jewils am Wuchenend no Match. Wär natürläch cool wenn mä trotzdem mau es gmeinsams z nacht oder öpis ähnlächs z’Stand bringt:) üs isch wichtig dass meh cha hei cho und säch wohlfüehle. Für das bruchts Ehrlächkeit und ä offnegi Kommunikation ungernang. Und schlussendlich weimer ä Ort wome Mönsche um sich het wo für eim da si<3 Wer si mir? Lavinia- ig bi d Lavinia (bzw Lavi) und schaffe bir PostFinance zBern. Siit ig chli bin, bini immer sportlich unterwegs gsi, seis fuessball, skifahre oder angeres. Nebem Sport hani freud am fotografiere, gah käffele, aare-schwimme odr oh mau öppis gah trinke nachm schaffe:) Ria- Ih bi d Ria, schliesse de Summer mini Matura ab und wirde im Summer (hoffentlech) ar Uni Bern ahfah Medizin studiere. Ih schutte sitem Chindergarte liebend gern und bi ih mire Freizyt immer ume zum eis gah zieh oder süsch zeme Zyt verbringe :) Lia- Ig bi d Lia und schaffe momentan aus Zeichnerin im nü Architekturbüro im Liebefeld. Ig schutte scho sit ih es chlises kind bi und das isch hut immer no so. Mi gsesh ufem Fuessbauplatz, ar Aare, im nå kaffi, aber ig bi oh immer ds ha für mau ih Usgang ds ga oder am nü schöne Summerabe gmüetläch öpis gah trink:) PS: dWohnig ish no im Umbau, abr sobaud aues fertig ish chönnt meh sie zämme gah besichtige ;)